في البدايه اكيد العنوان شدك وقولت خلاص انا هربح من الانترنت بسهوله جدا

تعالي معايا وخلينا متفقين ان الارباح من الانترنت مش صعبه ولا مستحيله لكن

في قواعد واسس وشغل وتعب ومجهود لازم تشتغل وتتعب الاول وتمشي صح

ويكون عندك صبر علشان توصل لنسبه ربح من الانترنت وتكون مرضيه ليك

خلينا نقول ان كل اللي شغالين في مجال الانترنت والسوشيال ميديا بيربحو

بس انت لو ركزت شويه وشوفت الناس دي وصلت امتي او ازاي هتعرف اجابه

لسؤالك وللعنوان بتاع موضوعنا

لو لسه متعرفش حاجه عني ياريت تدخل علي القناة دي وتشترك فيها وتفعل زر

الجرس عشان يظهرلك كل جديد القناة

وكمان تابعني علي الفيس بوك وانستغرام سناب شات والمدونه والمنتدي هتلاقي كل يوم جديد

نرجع بقي لموضوعنا اللي هوا ازاي تربح بسهوله من الانترنت ……

الموضوع بسيط محتاج انك تفهم وتدرس كويس ويكون لك ميزه عن غيرك

بمعني ان الشغل اللي هتقدمه سواء كنت هتقدم فيديوهات او تعمل تصميمات او

تشتغل في البورصه او تشتغل فري لانسر او او او والخ … كل دا بيعتمد عليك

انت عاوز ايه وهتتحرك ازاي . حاول اولا تصمم لنفسك قناة يوتيوب وحساب فيس بوك

وانستغرام وتويتر وسناب شات والخ من كل وسائل التواصل الاجتماعي

علشان دي اللي هتنفعك في الاول والاخر . الاول ضيف كل اصدقائك ومعارفك عليهم وابدا اشتغل عليهم

واتعلم وشوف انت بارع في ايه .

مثلا …

لو تصميمات اعمل تصميم ونزله وخد راي اصدقائك وشويه شويه هيجيلك حد من معارفك او حد شاف تصميمك وهيقولك علي شغل ومفيش مانع تشترك في الحاجات التطوعيه عشان شغلك يوصل للناس ويعرفو تصميماتك وشغلك

لو هتعمل بردو فيديوهات تشرح فيها شغل معين او هتقدم فيها رساله بردو اعرض علي اللي حواليك وانشر شغلك بنفسك وحاول يوصل لعدد كبير وقتها هتبدا تلاقي افكار كتير عشان تنفذها وتشتغل عليها وتبد في حصد الاموال من المشاهدات اي نعم هتبقي قليله بس مع الوقت بتزيد وممكن تشتغل علي الكورسات للناس هنا هتستفاد

لو هتشتغل في البورصه فدا بقي مجال واسع جدا والمخاطر فيه كبيره جدا والارباح بردو فيه عاليه جدا …. لو فعلا ناوي تشتغل في البورصه يبقي لازم تدرس كويس جداااااااااااا لان انت هتضارب بفلوسك وراس مال كويس عشان تعرف تشتغل وتكسب من وراه . اولا عشان تشتغل صح دور علي الناس الي تعرفهم او تسمع عنهم في المجال دا وادخل اتعرف عليهم وشوف طرق الشغل بتاعم ونزل علي تليفونك برامج خاصه بالبورصه واشتغل علي النظام التجريبي واتعلم واكسب واخسر وجرب وفي الاخر لو نويت زي ماقولتلك فوق دور علي اللي شغال في المجال دا هتستفاد منه وهو كمان هيستفاد منك ويعلمك ازاي تشتغل في البورصه وهيوصلك للارباح كمان لان كل ما انت بتكسب هوا كمان بيكسب بس دا طبعا في حاله انك روحت للانسان التمام اللي شغال فعلا في البورصه وبيكسب وعاوز غيره يكسب …..

خلص مقالي بس المقالات الجايه لسه مخلصتش

تابعني وهتعرف كل خطوه من الخطوات اللي اتكلمنا عنها وهتعرف الناس الموثوق فيه اللي ممكن تتابعها وتشتغل معاها او تاخد منها شغل

لو عجبك الموضوع شير بقي وكلم غيرك خليه يستفيد وان شاء الله كل ما يبقي عندي معلومه تفيد اي انسان مش هبخل عليه بيها وهنزلها علي طول

واكيد هنزلكم تجاربي من كل ما سبق واقولكم علي كل طريقه ومميزاتها وعيوبها وازي تختار الصح وتبدأ ازاي في مجالك وازاي تعرف انت موهوب في ايه او ممكن تكسب ازاي كل دا هتلاقيه علي قناتي علي اليوتيوب اشترك فيها وفعل الجرس هيوصلك كل جديد

تقبلوا تحياتي

رضا الدسوقي

نُشر بواسطة aldsoky Reda

أضف تعليق

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.